KABANATA 16: STELLA MEETS THE VENOMOUS COBRA
8 years ago
BITBIT NI STELLA ang bayong na may laman ng iba’t ibang gulay at mga karne para sa badyet nila sa buong linggo. Ipinakuha iyon ng mga magulang niya sa puwesto nila sa palengke. Bilang panganay sa tatlong magkakapatid, siya ang palaging gumagawa niyon. Mga bata pa kasi ang dalawa niyang kapatid na sina Shekaina na nasa edad sampo at Skyler na nasa edad walo.
Nasa gilid na siya ng kalsada at hinihintay lang ang stop light para makatawid na siya sa kabilang kalsada. Habang hinihintay na umilaw ang kulay pulang ilaw, napatingin-tingin muna siya sa paligid. Hindi naman niya mapigilang mapangiti nang makakita ng mga magagarang sasakyan. Para sa kaniya, lahat ng mayroon na ganoon ay mga nagsisikap sa buhay. Gusto niya rin na kapag nakapa
