Biglang natauhan si Lyka nang marinig ang malakas na pagsarado ng pinto ng kuwarto niya sa ospital. Naalala niyang buhay niya pala itong nasasaksihan niya at hindi isang award-winning soap opera. Idagdag pa ang mga tauhan na sina Mama at Popsy niyang exaggerated kung mag-react. Dinamay pa talaga si Chris!
"Hindi mo dapat ginawa 'yon, Popsy!" himutok niya habang napapikit.
"At ipinagtatanggol mo pa ang lalaking 'yon? Isa ka pa! Ang buong akala namin ng mama mo ay hindi ka katulad ng mga kuya mong suwail! Iyon pala ay pare-pareho lang kayong mga walang utang na loob. I trusted you, Lyka! Paano mo ito nagawa sa amin ng mama mo?" tanong ng kanyang Popsy.
Napabuntonghininga siya. "Kung pumunta lang kayo rito para sermunan ako, just save it. Napahamak na nga ako't lahat pero puro tun
