“Ilang araw ka ng ganyan ah,” puna ng kuya Kendric niya.
“Ano ba ang problema sa 'kin?” tanong ni Ella saka tumayo at sinukbit ang bag niya.
“You look happy this past few days,” he said while sipping on his coffee.
“Palagi naman akong masaya,” sabi na lang niya saka napakibit-balikat.
Sa totoo lang hindi niya rin naiintindihan ang sarili niya. Mahigit isang linggo na nung huli silang nagkita ni Gio pero hanggang ngayon kinikilig pa rin siya sa tuwing naiisip niya 'yon. Hindi na talaga siya normal.
“Do you have a boyfriend?” nakakunot-noong tanong ni Kendric sa kapatid.
“Kung may boyfriend ako, dadahin ko siya rito at ipapakilala sa inyo,” sabi niya na lang saka bumeso kay Kendric bago lumabas ng mansyon.
Napangiti siya nang kotse ni Snow ang bumungad sa kanya paglabas niya. Mas gus
