Ilang araw na akong napapaisip, kung ano ang dapat kong gawin para mapigil si pogi na makipag-date.
Minsan nga'y kahit magkakasama kami ng tropang bobs ay tulala lang ako.
"Mace, lutang ka na naman." Puna ni Von Bay sa akin. Nandito kami sa For-me Cafeteria. Sila ang taya sa merienda namin, dahil sumahod daw sila sa grocery store na pinagtratrabahuan nila.
"Baka iniisip n'ya iyong si Patrick." Pasaring ni Ben Thong. Kilala n'ya si Patrick dahil nakalaban na raw nito sa basketball no'ng nakaraan.
Hindi na ako kinausap ni Patrick, nagdamdam talaga yata dahil sa pang-i-indian ko sa usapan namin.
"Hindi... iba ang iniisip ko." Tanggi ko. Sa totoo nga lang ngayon ko na lang naisip iyon, dahil binangit ni Ben Thong.
"Alam n'yo ang mas nakakagulat, hindi iyong pagiging lutang ni Mace.
