CHAPTER 21
NANG SUMAPIT ang hapon ay kaagad na nilandas ni Casey ang daan pauwi sa condo unit ni Zyra. Dala niya ang kopya ng dyaryong naimprenta kanina umaga kung saan nabasa niya ang isang article tungkol kay Governor Rivas. Paniguradong magugulat ang daddy at mommy niya kapag nabasa ng mga ito iyon. At sasabihan na naman siyang huwag makisali sa kung ano man ang binabalak ni Zyra.
Naguguluhan siya. Ayon kay Zyra noong nasa banyo sila noong minsan na mag-lunch sila kasama ang ibang mga publication owners ay nagbago na ang isip nitong maghiganti. Ngunit bakit tila hindi pa rin?
Nag-aalala siya para kay Zyra. Hindi maliit na tao si Governor Rivas at wala itong laban. Hindi naman niya naiisip kung sakaling madamay man ang publication nila sa issue ngunit kilala niya ang mga magu
