CHAPTER 22
KINABUKASAN ay maagang umalis ng condo unit ni Zyra si Casey. Nagpaalam siya sa nobya niyang uuwi na siya dahil ang mga magulang niya ay pauwi na rin. Hindi naman siya natatakot na baka mapagalitan siya ng mga ito ngunit may iba siyang plano.
Noong nagdaang gabi ay halos wala siyang tulog dahil sa kakaisip tungkol sa mga plano ni Zyra na hindi man lang sinasabi sa kaniya kung ano-ano ang mga iyon. Aminado siyang masama ang loob sa nobya dahil naglilihim ito ngunit sa isang banda ay naiintindihan naman din niya ang rason nito. Ayaw lang nito na madamay niya.
‘Oh pwede rin na ayaw niya lang ako na makialam dahil alam niya na kokontra ako?’
Napabuntonghininga na lang si Casey habang nakatigil ang sasakyan na si Shimmer ilang kilometro lang ang layo kung saan nakapa
