CHAPTER 17
NANG MARINIG nila na may bagong dating nasasakyan ay kaagad na tumayo ang mga magulang ni Casey habang siya ay tila wala sa mood bumuga ng hangin bago tumayo at sumunod sa mga ito. Lumabas ang mga ito upang salubungin ang mga bisita at siya, hanggang sa mismong pintuan lang siya. Hindi nga niya alam kung paano haharapin ang mga bisita ng mga ito. Oo, bisita iyon ng kaniyang mga magulang at hindi kaniya.
Nakita niyang bumaba ang dalawang lalaki mula sa isang kotse. Naka-casual attire ang pareho at hindi na siya nagtaka pa roon dahil galing nga ang mga ito sa samba ayon sa kaniyang daddy. Kung normal na babae lang siya na tipong lalaki rin ang tipo, good points sana iyon para kay Thomas dahil may takot sa Diyos. Kaso hindi iyon ang tipo niya.
May nakita na naman siyang
