LIHIM na sinusulyapan ni Jibelle si Jude habang abala ang huli sa pagmamaneho. Katatapos lang ng artificial insemination procedure niya. Hindi siya nagpahintay sa binata habang nag-undergo siya ng procedure. He just became her driver. Nagpahatid lang siya rito at sinabi niyang puwede na itong bumalik sa hotel at tatawag na lang siya kapag magpapasundo na siya.
Kahapon pa niya napapansin ang weirdness ni Jude. Bigla itong naging aloof sa kanya. Hindi rin siya sigurado kung talaga constipation ang dahilan. Kaduda-duda namang dahilan ang problema sa tiyan para maging mailap bigla ang isang tao. Ano kaya talagang problema mo, Love? Masyado na ba akong aggressive kaya natatakot ka na sa akin?
Napangiwi siya. Masyado na atang obvious na may gusto siya rito. Baka na-tu
