BITBIT isang overnight bag na naglalaman ng damit para sa tatlong araw, nakangiting lumabas ng silid si Jude. Maganda ang mood niya paggising dahil malaki ang itinubo niya sa stock market trading nang nagdaang gabi. Maganda rin ang performance ng stocks ng Celerio Transit Corporation sa Philippine Stock Exchange. Plus, the image of Jibelle’s cute and lovely face never left his head until he fell asleep.
Hindi mawala sa isip niya ang mukha ni Jibelle habang yakap niya ito nang nagdaang gabi. She was like so hooked with the drama. Did she think I’ll kiss her? Damn! Ibayong pagpipigil ang kanyang ginawa para lang ’wag itong nakawan ng halik. Kung hindi lang talaga mabubulyaso ang huling contract niya para sa deal nila ni Ricardo, baka unang gabi pa lang, nakuha na niya ito.
