CHAPTER 10
Huminto ang sasakyan na minamaneho ni Allana sa harap ng isang malaking kainan, ilang metro lamang ang layo mula sa Millares Advertising Company. Matapos nitong maiparada ang sasakyan nito ay nakangiting hinarap na ito ni Miguel bago nagsalita.
"Narito na tayo, Allana," saad niya dito.
"D-Dito? Dito, Miguel?" she asked him.
Wala siyang makitang pandidiri sa mukha nito nang sabihin niyang dito sila kakain. Bagkus ang nasilip niya lamang sa mga mata nito ay purong pagkamangha. Wari bang hindi nito inaasahan na sa lugar na iyon sila pupunta.
Kanina nga nang matapos ang trabaho nila sa MAC ay magkasabay na sila ng dalaga na lumabas mula sa kompanya. Katulad ng naging usapan nilang dalawa kanina ay magkasabay silang maghahapunan nang gabing iyon--- sa lugar na pipiliin niya at s
