Sa sobrang sama ng loob kaya hindi gaanong nakakain ng hapunan si Reza. Maaga rin siyang humiga at sinubukan na makatulog nang maaga.
Pilit na isiniksik ni Reza sa isip niya na hindi niya kaano-ano si Kieran para magngitngit siya. 'Buti nga at may nahanap na itong iba. Kaya siguro naman ay tatantanan na siya nito.
Nasa gan'ong pag-iisip si Reza nang sunod-sunod na may kumatok sa pintuan. Nawala sa isip ng dalaga na posibleng si Kieran iyon dahil siguradong naglalampungan na ito ngayon at si Echille.
Kaya nga nanlaki ang mga mata ni Reza nang guwapong mukha ni Kieran ang bumungad sa kaniya. "A-anong ginagawa mo rito?"
Sa halip na sagutin siya ay walang ano-ano na inayos ni Kieran ang magulo niyang buhok. Sandaling nailang si Reza. Hindi niya in-expect na si Kieran ang bubungad sa kaniy
