"Do you really want me to kiss you again, Reza?"
Unti-unting bumalik sa pagkadilat ang mga mata ni Reza nang marinig ang sinabi ni Kieran, sa namamaos na boses. Sandali siyang nakaramdam ng hiya dahil nahuli siya nitong nakapikit. Obvious na gusto niyang halikan siya ni Kieran, na hinihintay na lang niyang lumapat ang mga labi nito sa mga labi niya. Pero habang tinitingnan niya ang mga mata ni Kieran, na walang bakas ng ano mang pang-aasar o panunukso, kahit papaano, nalusaw ang hiya ng dalaga.
"Remember, pang third kiss ko na ito sa'yo kung sakali," sabi pa ni Kieran. Nagpalipat-lipat ang mga tingin nito sa bibig at mga mata niya. "At seryoso ako sa'yo noon na kapag hinalikan kita sa pangatlong beses, magiging akin ka na talaga." Bumuka ang bibig ni Reza para sumagot. Subalit mabilis n
