Tapos nang maligo si Reza. Fresh na ulit ang pakiramdam niya. Mabuti na lang at nagtagumpay ang dalaga na palayasin si Kieran. Dahil kung hindi, baka tuluyan na siyang ipinagkanulo ng sariling karupukan.
Karupukan na hindi maintindihan ni Reza kung bakit nararamdaman niya kay Kieran, sa kabila ng pagkainis at pagkadisgusto niya rito.
Hindi mo gusto pero nakipaghalikan ka?
"Waah! Erase! Erase!" Sinampal-sampal ni Reza ang sarili habang pilit na binubura sa isip niya ang nakakahiyang tagpo nila kanina ni Kieran. "Grabe. Ang rupok mo talaga, Reza. Kinain lang niya ang tira-tira mong pagkain, nagpahalik ka na."
Pumikit-dumilat ang dalaga para subukang alisin sa isip ang nangyari sa kanila ni Kieran. Subalit nagmukha lang siyang tanga.
Sinubukan din ni Reza na magbasa ng pocketbook sa pag-
