Nang makapag-out na si Reza at nakalabas na sila ng ospital, dali-dali niyang hinila si Kieran sa madilim na parte ng parking lot. Gustong guso na niya itong hatawin ng kurot at sampal.
"Ang tindi talaga ng pagnanasa mo sa'kin, babe, kung saan-saan mo na lang ako dinadala." nangingiting saad ni Kieran. "At hindi mo naman na ako kailangang hilahin. Kusa akong sasama sa'yo."
"Nakakainis ka!" Inatake nga niya ng sunod-sunod na kurot si Kieran. Kahit saan na lang ito tamaan bast maatake niya. Kunwari namang umiilag ang binata pero parang kinikilig naman. "Bakit mo pinagsabi sa mga katrabaho ko na girlfriend mo ako?"
"Eh, 'di ba 'yon naman talaga ang usapan natin?"
Pinandilatan niya ito ng mga mata. "Ang sabi ko, hahayaan natin sila na isiping mag-boyfriend tayo. Hindi ko sinabing i-announ
