"Saan ka ba nag-relax noong rest day mo, Nurse Reza? At bakit parang ang blooming-blooming mo?" tanong ng katrabaho ni Reza na si Rhoda.
"Oo nga! Daig pa ang inlanbabo, eh," dagdag pa ni Carlo.
Actually, kaninang pagpasok pa lang ay kinantiyawan na si Reza ng mga katrabaho niya na parang may nagbago nga raw sa kaniya. Hindi na raw siya mukhang stress. Namumungay daw ang mga mata niya at super energetic pa. Kahit ang head nurse nila at Tita Marites niya ay napansin din ang pagiging blooming ni Reza. Idinahilan na lang ng dalaga na nakapagpahinga siya nang maayos kaya nagmukhang blooming siya. Kahit ang totoo ay ginaganahan siyang magtrabaho sa tuwing naiisip niya si Kieran.
Si Sandro naman ay hindi nakikisabay sa mga kasama nila. Pero palihim na ini-interview si Reza tungkol kay Kieran.
