Ang buong akala ni Reza, pagkatapos nilang mag-dinner ni Kieran sa isang mamahaling restaurant ay didiretso na sila sa sinasabi nitong party.
Pero nagtaka ang dalaga nang dalhin siya nito sa isang hotel. Maligo daw muna siya. At nagulat na rin si Reza nang may dumating na dalawang baklang stylist na mag-aayos daw sa kaniya. May dala-dala ring mga dress ang mga ito at pinapili ang dalaga.
Halos lahat ng mga cocktail dresses ay magaganda at mukhang mamahalin. Napansin din niya na puro disente ang mga ito. Napa-wow pa nga ang dalaga. Pero isang kulay itim na may V-neck at sleeveless ang napili ni Reza.
"Wow! What a goddess!" sabay na bulalas ng dalawang stylist na nag-ayos kay Reza. "Perfect na perfect itong black lace and satin scalloped short cocktail dress sa'yo, ganda. For sure, luluw
