Ang buong akala ni Reza ay aalis din si Kieran pagkatapos nitong kumain. Pero natapos na lang siya sa paghuhugas ng pinggan ay nasa sala pa rin ito at nagtitingin-tingin sa mga naka-display na pictures niya.
"Wow! Athlete ka pala noong high school at college ka," humahanga nitong bulalas habang pinagmamasdan ang picture ni Reza, na kuha niya noong nag-champion sila sa volleyball nang college. "'Buti na lang at hindi lumaki ang mga binti at braso mo..." Bahagyang nailang ang dalaga nang lingunin siya ni Kieran at matiim na sipatin. "Ang sexy mo pa rin."
"Bakit hindi ka pa umaalis?" Pag-iiba ni Reza ng usapan. Para ipakita kunwari na hindi siya affected sa pambobola nito. "Nabusog na 'yang mga alaga mo sa tiyan kaya puwede ka ng umalis."
"Masama ang maglakad-lakad habang busog pa. Nakaka-
