Dumoble ang kaba ni Reza nang makarating sila sa bungad nang mas malawak na garden ng country club. Doon pa lang ay nakita na ni Reza ang mga bisita na pulos naka-formal attire.
"Relax," malambing na bulong sa kaniya ni Kieran. Mula sa siko nito, kinuha ng binata ang kamay ni Reza at mahigpit iyong hinawakan. "Walang aano sa'yo rito. Hindi ko pala nasasabi sa'yo na isa ako sa sampung original members and founders ng club na ito."
"H-hindi ako sanay sa ganito karangya na party." Pasimpleng luminga sa paligid si Reza. "Nandito yata lahat ng mayayamang tao sa Pilipinas."
Nakangiting pinisil ni Kieran ang palad niya. "Mga members lang ng club ang nandito ngayon, kasama ang mga girlfriend namin, at asawa naman para sa mga member na married na." Gamit ang isang kamay, masuyong hinawakan ni
