ISANG buwan na rin ang muling lumipas buhat ng mapag-alaman namin'g nagdadalantao ako. Medyo nahahalata na rin ang aking tiyan kung kaya't nahirapan talaga akong maghanap ng trabaho. Mabuti na lang at nariyan si Pauline. Bumalik ako sa pagdidesenyo ng mga damit at hindi ko inaasahan'g magugustuhan ng kanyang boss ang ipinasa kong mga design. Kaya heto ako ngayon, halos wala pang gaanong tulog dahil kailangan kong tapusin ito para sa gaganapin'g fashion show next week.
"Friendship, may five days pa naman na natitira. Baka gusto mo munang magpahinga?" Ani Pauline na naka-ready na pauwi.
"Eh, kahit pa. Ayoko naman na gahulin ako sa oras kaya't kahit malayo pa ang deadline eh kailangan ko na 'tong tapusin."
"Sus, halika na. Umuwi na muna tayo. Kailangan mo rin ng pahinga. Remember, hindi ka
