لم نكن أخوات

لا وقت للندم.

الدوامة السابعة

لا وقت للندم

*غادرت سالي غرفتها وهي تشعر بخفقان قلبها ي** أذنيها ورغم إرتدائها ثوبها المميز والذي يبرز ف*نتها إلا أنها وللمرة الأولي تشعر بأفتقارها للثقة فخطت صوب والدتها وعيناها لا تحيد عنها وجلست بجوارها، لاحقتها عينا جاك يشعر أنها أختطفت قلبه للمرة الثانية فجمالها ازداد بوجهها المحتقن وشفتاها المرتعشة التي لونتهما بالحمرة القانية سلبته عقله فازدرد ل**به ونظر إلى هدى وقال:

-هتكلميها حضرتك وتفهميها على كل حاجة ولا أكلمها أنا ودا بعد إذن حضرتك طبعاً.

*أولت هدى إهتمامها لإبنتها فمدت يدها ورفعت وجهها لتنظر لها وقالت:

-جاك حكالي على اللي حصل منه لما روحتي تعتذري له زى ما طلبت منك وهو جه لحد هنا علشان يوضح اللي عمله وطالب إنك تديله فرصة وتسمعيه وبعدها تشوفي إنتي عاوزة إيه فلو حابه تسمعيه أنا هسيبكم تتكلموا مع بعض ولو مش عاوزة هو هيقبل رفضك وهيعتذر لك أدام بنت عمه بسبب أحراجه ليكي.

*لم تدري سالي أتوافق على الإستماع لجاك أم تنصاع لكلمات سناء بأن ترفض طلبه لتعانده، زفرت سالي ورفعت عيناها لتتقابل بعينا جاك فقرأت بداخلها ندمه ورجاءه لتعطيه الفرصة وتستمع إليه، تسارعت نبضاتها ففركت كفيها معاً وأومأت وهي تنظر لوالدتها بحرج فأبتسمت لها هدى بتفهم وقالت:

-أنا هقعد جانب منكم أقرا فالمصحف على ما تخلصو كلام.

*أتسعت ابتسامة جاك لإعطاء سالي الفرصة ففاجئها بإنتقاله إلى المقعد المجاور لها وإلتقط يدها وقبل أن يقبلها جذبتها منه سالي بحدة ورمقته بغضب ووقفت وقالت:

-أنت إيه اللي بتعمله دا لو سمحت قوم أقعد فمكانك وياريت متتعداش حدودك معايا مرة تانية وعلى فكرة مش معني إني وافقت أسمعك أبقى خلاص سامحتك على اللي عملته لا أنا وافقت أسمعك علشان أنا مقدرش أرفض حاجة من غير ما أفهم صح ودلوقتي أتفضل قول اللي جيت لحد هنا علشان تقوله.

*سيطر الحرج على جاك بسبب كلمات سالي اللأذعة فتحرك وعاد إلى مقعده ونظر إليها وقال:

-ليكي حق يبقي موقفك مني كدا بس أنا كمان ليا الحق زيك إني كنت أتصرف زي ما أتصرفت علشان أرد لك الموقف السخيف اللي حطتيني فيه، وقبل ما تنفعلي أحب أقولك على حاجة أنا لما أتكلمت معاكي وأعترفت لك إني معجب بيكي وطلبت تفكري فأرتباطنا مكنتش بتسلى لا أنا كنت قاصد كل حرف قولته لإني فعلا أتشديت ليكي بطريقة غريبة بس مكنتش أتخيل إني لما أطلب منك إنك تصارحي والدتك بكل كلامي معاكي إنك تخبي عليها وتحطينا كلنا فموقف بايخ أدام قريبك وأدام نفسي.

*لم يتحمل جاك **تها وإهمالها النظر إليه فوقف وأردف :

-عموما أنا بعتذر لك على أحراجي ليكي فالفندق وعلى فكرة البنت اللي كانت معايا دي تبقي بنت عمي وغالية جدا عندي وهي كمان زيك تستحق أعتذراي لإني إستغليتها من غير ما تعرف علشان كدا يوم الخميس لما أقابلك فحفلة الخطوبة هعتذرلك إنتي وهي أدام الناس وأبقى عملت اللي عليا علشان لو إتقابلنا مرة تانية تحت أي ظروف ميبقاش في جوا أي حد فينا زعل من التاني.

*لم تقوي على مواجهته أو رفع عيناها لترى ملامحه وأعتبر جاك ردة فعلها رفض صريح لأعتذراه منها فزفر وخطى لخارج الغرفة وألتفت إليها وقال:

-أنا أسف يا سالي وأتمني إنك تلاقي سعادتك مع اللي يستحقك.

*أجهشت بالبكاء فور مغادرته لإدراكها خسراتها له وأمام نظرات اللوم التي رأتها فى عينا والدتها ونظرات الحزن التي لونت عين إسلام أسرعت سالي إلى غرفتها لتقا**ها سناء التي ربتت على كتفها وقالت بجمود :

-برافوا عليكي يا سالي هو دا اللي كان لازم يحصل من الأول مش تسلمي له وتوافقيه على كل حاجة يقولها ، صدقيني الحب مبيأذيش غير صاحبه، وإنتي لازم تبقى أقوي من الحب ومتسمحيش له إنه يأذيكي ابدا.

*ودت سالي لو تدفعها عنها ولكنها سكنت رغما عنها فكلمات تهديدها التي رنت فأذنها قبل أن تغادر الغرفة مازلت تتردد بداخلها فأستسلمت سالي لإرداة سناء وهي تعي أنها لن تجد قلباً كقلب جاك أبداً.

*عاد إلى غرفته يجر أذيال الخيبة ولمحته إيلي قبل أن يغلق باب غرفته لتدرك أنها رفضت العودة إليه فلحقت به وولجت خلفه فألتفت جاك إليها وقال:

-روحي أوضتك يا إيلي دلوقتي لأني راجع تعبان ومحتاج إني أقعد مع نفسي شوية .

*هزت إيلي رأسها بالنفي وأقتربت منه وقالت:

-مقدرش أسيبك زعلان كدا وأمشي مينفعش أصلا إنك تزعل يا جاك واحد فمركزك ووضعك وشغلك الجديد كان لازم يفهم إنه حتى لو هي وافقت ورحبت شغله هيفرض عليه إنه يسيبها علشان خلفيتها العربية ولا أنت ناسي الموقف السياسي والمناهض للعرب ولو مكنتش مدرك للنقطة دي فيبقى اللي حصل دا هو الصح ولا أنت كنت ناوي تضحي بمستقبلك علشانها.

*زفر جاك وأبتعد عن إيلي ووقف بالقرب من النافذة وقال:

-خلاص يا إيلي مافيش داعي لكل الكلام اللي قولتيه الموضوع انتهي وتقدري تسميه إنه مجرد أعجاب مني لواحدة جميلة لفتت إنتباهي و نسيتها المهم أنا عاوز اعتذرلك على تصرفي البايخ معاكي ، حقيقي أنا أسف يا إيلي .

*أقتربت منه إيلي بقلب ممزق فهي تعلم بأن قلبه جُرح تماما برفضها له، ودت إيلي لو يعطيها جاك الفرصة لتتقاسم ألمه ويتعرف على مشاعرها التي تتمني لو يلحظها ولكنها تعلم أنه يرفضها لفرق اعمارهما، نظرت له إيلي بطرف عيناها ورات شروده الكامل فعلمت أنه لا يشعر حتى بوجودها فقالت بمزاح حتى لا تستسلم هي الأخرى لحزنها:

-أنا هصدقك يا جاك علشان مافيش أدامي غير كدا ودلوقتي بما إنك أعتذرت لي فتسمح بقي تاخدني وتعزمني على العشا فأى مكان برا ما أنت عارف أنا لما بزعل مش بيصالحني غير الأكل.

*جذبها جاك وضمها إلى ص*ره وقبل جبينها ليبعدها عنه وهو يبتسم لبرائتها وقال:

-إنتي جميلة جدا يا إيلي وقلبك زي قلب إسلام فأرجوكي أوعي تتغيري أبداً وخليكي طبيعية زي ما إنتي ، المهم أنا كنت حابب أسئلك عن حاجة كدا يعني محيرة الكل أصلك بقيتي لغز العيلة دي يا إيلي و كلنا محتارين وعاوزين نعرف الأكل الكتير اللي بتكليه بيروح فين وإنتي زي ما أنتي رفيعة ومش بتتخني.

*شعرت بالأمتنان لكلماته لها وبادلته الإبتسام وقالت:

-مافيش أنا طبيعتي كدا باكل ومش بتخن.

*ربت جاك فوق وجنتها وقال:

-طيب يلا أدامي أعزمك على الأكل قبل ما تجوعي أكتر وتكلينا.

*كعادتها منذ أعترف بحبه لها يجافيها النوم وها هي اليوم كالأمس تتصنع نومها حتى تتهرب من ملاحقة سهير لها فهي ومنذ غادرها ريان أول أمس دون أن يوليها أي إهتمام و سهير لا تفارقها تحاصرها لتخبرها بما حدث بينهما وتسبب في حزنها، تن*دت سهى وهي تتذكر عتاب والدتها لها بعدما أخبرتها بمشادتها مع ريان:

-يا سهى مينفعش تقفي بنديه أدامه بالشكل دا حتى ولو غلطان لازم تتفهمي وجهه نظره ولما يهدى تقومي متكلمه معاه وتوضحي له وجهة نظرك لكن تتصرفي بالشكل دا وتقولي مش غلطانة فأنتي كدا غلطانة فعلا وبعدين يا حبيبتي أنا مش عوزاكي تنسي إن ريان واخد كتير من والده غيور ومش بيحب أهل بيته يراجعوه فلازم تبقي زكية فتعاملك معاه وألا حياتك هتبقى كلها مشاكل معاه.

*نظرت سهى لوالدتها تدرك أن حديثها صحيح ولكنها لا تريد لحياتها أن تكون على هذا النحو فزفرت لعجزها عن توضيح ما توده لوالدتها وقالت:

-هحاول يا ماما أتكلم معاه وأشوف إيه اللي هيحصل بعد كدا، المهم طمنيني على صحتك العلاج اللي جبته ليكي أخر مرة ريحك ولا تحبي أغيرهولك.

*ربتت هدى على وجنتها وقالت:

-أنا بخير يا سهى اطمني ودلوقتي أنا هسيبك تكلمي ريان وأتعودي يا سهى اوعي تسيبي خلاف بينك وبين جوزك لليوم التاني لإنه ساعتها هيبقى كبر وأخد حجم مش حجمه.

*اعتدلت سهى فى فراشها وسحبت وسادتها وأحتضنتها وهي تفكر في ريان الذي لم يحاول الإتصال بها أو السؤال عنها رغم حديثه مع شقيقته، قذفت سهى الوسادة فى نفس التوقيت الذي ولجت فيه إسلام إليها لترتطم بوجهها فتلقتها إسلام ونظرت بدهشة إلى سهى وقالت:

-إيه الأستقبال الجامد دا بقى كدا يا سهى بتحدفيني بالمخدة وأنا اللي جاية أقولك قومي إلبسي وأجهزي علشان الواد ريان أخويا جاي فالسكة علشان يصالحك.

*هبت سهى من فراشها ووقفت تحدق بإسلام بعيون تبحث عن الإطمئنان لتسرع إسلام صوبها وتضيف:

-إبقي عدي الجمايل يا سوسو أختك جابت لك حقك تالت ومتلت وخليت ريان يقول حقي برقبتي وأهو جاي جري علشان يراضيكي المهم بقى عوزاكي تتقلي كدا عليه مش أول ما يقولك سوسو تستسلمي عوزاكي معاه راجل اتفقنا.

*أحتضنتها سهى بسعادة وقبلتها بقوة فوق وجنتها وقالت:

-أنا مش عارفة أقولك إيه يا إسلام بجد أنت أجدع بنت فالدنيا دي كلها أنا بحبك أوي.

*أبتعدت إسلام عنها وقالت لتمازحها:

-لا وفري الحب والأحضان لحبيب القلب .

*غادرتها إسلام وهي تبتسم بسعادة فأوقفتها سهير وقالت:

-موزعة البهجة والسرور ما تدخلي كدا تزرعي البهجة على وش سالي اللي ليها يومين لبسلنا الوش الخشب ومكشرة طالما عرفتي تسمعينا ضحكة سهى.

*إنحنت إسلام بطريقة مسرحية وأعتدلت وقالت:

-تحت أمر سعادتك يا سهير هانم أتفضلي حضرتك كملي بقية مهامك الجليلة وأنا هخلص اللي ورايا وأروح أضحك سمو الأميرة سالي.

*وقفت سناء تتابع مزاح إسلام بوجه مقطب فتركت مكانها وأقتربت منها وقالت:

-ياريت بعد ما تخلصي تهريج و***ب تروحي ترتبي حالك وتفضي نفسك بكرة علشان هنروح نستلم الفساتين اللي هنحضر بيها الخطوبة.

*رفعت إسلام قامتها ووقفت على أطراف أصابعها وقبلت وجنة شقيقتها وقالت:

-وليه تتعبي نفسك وتنزلي من البيت لما ممكن دار الإزياء تجيب لنا الفساتين لحد عندنا هنا فالوقت اللي تحبيه .

*أبعدت سناء وجهها عن إسلام بعدما إضطربت مشاعرها بسبب قبلتها لها وقالت:

-تمام لو كدا يبقي أفضل طبعا.

*تركتهم سناء لتحدق إسلام في أثرها بحيرة لرفضها قبلتها فغامت عيناها ولكنها سرعان ما أبتسمت حينما لاحظت نظرات سهير المتفرسة فيها فقالت :

-أنا هروح أخلص المذكرة اللي معايا وبعدها هشوف موضوع سالي عن إذنك .

*لم تمض الساعة إلا وكان ريان يجلس بجوار سهى التي لزمت ال**ت التام أمام تجهمه الغريب وأحتارت ما بين موقفه وكلمات إسلام معها فنظرت له خلسة لتجده يحدق بها بإهتمام فلم تستطع الهرب بعيناها بعد أن كشف أمرها ف*نهدت وأعتدلت لتحدق به كما يحدق بها ولكنها لم تتحمل **ته فقالت:

-ليك أكتر من نص ساعة قاعد ومش بتتكلم ممكن أفهم السبب ولا حضرتك جاي تثبت حضور بسكوتك.

*رفع ريان حاجبه بإستنكار ورمقها بضيق لتزداد حيرة سهى فأرتبكت ملامحها وأضافت:

-ريان هو أنت بتبص لي كدا ليه هو أنا عملت حاجة تاني زعلتك مني ولا في إتهام جديد نسيت تتهمني بيه.

*مد ريان يده بهاتفه إليها فألتقطته سهى بأصابع مرتعشة فشهقت وهبت واقفة حين رأت صورتها وبرفقتها أحد الأطباء العاملين بالمشفي بوضع يثير الشبهة فأبعدت عيناها عن الهاتف ونظرت إلى ريان وقالت:

-ريان أنا أنا.

*وقف ريان هو الأخر وجذب هاتفه منها وقال:

-إنتي أيه يا سهى ممكن أعرف.

*هزت سهى رأسها وهي تشير بيدها لهاتفه وقالت:

-أنا عمري ما وقفت مع الدكتور فاروق لوحدنا وتعاملي معاه قليل كمان وحقيقي أنا مش عارفة الصورة أتصورت بالطريقة دي إزاي.

*فاجأها ريان حين أقترب منها ولمس يدها فنظرت له بحيرة وعيناها تترقرق بالدموع ليقربها ريان منه ويهمس:

-أوعي فلحظة تفتكري إن لما واحد خايب يبعت لي صورة بالشكل دا إني هصدق وهاجي جري وأقولك مين دا والكلام الفاضي اللي بيحصل فالمواقف اللي زي دي لا يا سهى مش ريان اللي يشك فقلبه ولا يظن فيها وحتى لو كنتي فعلا وقفتي معاه وقرب منك بالشكل دا فأنا متأكد إنك هتعرفي توقفيه عند حده وتجبريه على أحترامك زي ما شوفتك وسمعتك وإنتي بتردي على ثيو .

*أبتسم ريان حين فغرت سهى فمها بطريقة كوميدية فمد يده وأغلق فمها وقال:

-أنا اللي ضايقني يا سهى إني عرفت أن في حد مش عاوز ارتباطنا يتم علشان كدا قصد إنه يبعت لي الصورة دي علشان يخلق بينا مشكلة .

*قطبت سهى جبينها وهى تحدق به وقالت:

-ومين اللي ليه مصلحة يا ريان يعني أنا بتعامل مع الناس بأحترام وتقدير وعمري ما أتجاوزت حدودي مع الكل وبروح الشغل وبرجع على البيت ومش بخرج كتير وماليش أصحاب علشان يغيروا مني وأنت حياتك كلها مش هنا فمين اللي عاوز يبعدنا عن بعض.

*لوي ريان شفتيه وجذبها لتجلس بجانبه وقال:

-صدقيني مش عارف بس يعني لو الشخص دا قريب مننا كان عرف أن مافيش أي داعي أنه يخلق لنا مشاكل علشان إحنا عندنا اللي مكفينا ولا ناسية عنادك معايا و.

*رمقته سهى بنظرات حادة ورفعت حاجبها وقالت:

-ريان لو سمحت أنا مش بعاند معاك أنا حبيت أوضح لك وجهة نظري فوقتها إنما إنت اللي موقفك كان جامد عاوز كل حاجة تمشي على مزاجك أنت وبس من غير ما تسمع لي وأنا متعودتش على كدا يا ريان أنا واخدة على المناقشة والإقناع.

*تهجم وجهه ولكنه تذكر تحذير إسلام له فزفر بضيق وقال:

-إنتي عارفة إن ليكي محامي صعب أوي جاب لك حقك وخلاني أخاف أحسن أخسرك بعد ما لاقيتك، بجد أنا مكنتش اعرف ان أسلام بتحبك كل الحب دا لدرجة إني بدأت اغير من حبها ليكي ، علشان أنا مش عاوز حد غير يحبك يا سهى.

*أبتسمت سهى بخجل وقالت:

-اسلام دي مش المحامي دي قلبي التاني يا ريان ولعلمك أنا بحبها أكتر ما بحب نفسي.

*وافقها ريان ولكنه شعر بالغيرة لوصفها فترك مقعده وجلس بجوارها وسئلها هامسا:

-هو قلبك بالعدد ولا إيه ، طيب طالما الموضوع كدا ما تقوليلي أنا أبقي قلبك التالت ولا رقمي كام.

*أرتبكت سهى حين انهى ريان سؤاله وهو يحتضن يدها فنظرت له بحرج وقالت:

أنت قلبي وو.

أعجبه خجلها فزاد من ضغطه على يدها وقال:

أيوة موافق إني قلبك بس رقمي كام لما إسلام التاني.

وكزته بحرج وقالت :

خلاص يا ريان متعلقش على الكلمة .

حاصرها وقال:

بس أنا م**م أعرف .

سحبت سهى نفسا عميقا وزفرته قائلة:

إنت قلبي الوحيد اللي عايشة بيه واللي ماليش غيره .

تن*د ريان برضى وهمس وهو يدني وجهه منها:

بحبك أوي يا سهى و.

لم يستطع كبت مشاعره التي تأثرت بقرب سهى منه فحاوطها أكثر وهو يحدق بعيناها ومال نحو شفتيها مقبلاً إياها ليتوها عن الزمان والمحيطين بهما ليجفلهم صوت خطوات تض*ب الأرض بقوة فأجفلت سهى حين أقتحمت سهير الغرفة عليهما فأعتدل ريان وقبض بقوة على يد سهى حين حاولت سحبها منه ورفع عيناه ونظر بتحدي لسهير وقال:

عاملة إيه يا سهير .

إتجهت سهير بوجه متجهم وجلست أمامهما وقالت وهي تنظر ليده:

بخير يا ريان وأنت أخبارك إيه.

عاد ريان بعيناه ليحدق بوجه سهى الذى تلون بلون قرمزي فضغط أكثر على يدها ليجيبها دون إن ينظر إليها:

بخير طالما حبيبتي معايا وجانبي.

وقفت سهير وهى تحدق به بسخط وقالت:

أتمني إنك تكون بخير دايما عن اذنكم.

أسرعت سهير إلى غرفة سناء ووقفت وهي تكاد تنفجر من غيرتها تحدق بها وبسالي التي لزمت ال**ت وقالت:

إنتي أكدتي حجز الرحلة ولا لسه.

أبعدت سناء عيناها عن كتابها ونظرت لها وأبتسمت بسخرية وقالت:

أكدت الحجز وكل حاجة كمان والسفر تاني يوم الخطوبة يا سهير يعني لو سمحتي عدي بكرة وبعدة على خير علشان نسافر زي ما إحنا مرتبين تمام.

أغمضت سالي عيناها بألم فوقفت وبادلت عيناها بينهما وغادرت الغرفة لتقطب سناء حاجبها ونظرت إلى سهير وقالت:

أنا قررت إن سالي هى اللي هتبقي مع إسلام وسهى مش إنتي يا سهير .

همت سهير بالإعتراض لتغلق فمها بعد أن تفهمت مقصد شقيقتها فأبتسمت وقالت:

زى ما تحبي يا سونة المهم إننا نخلص علشان نشوف اللي بعد كدا.

لمعت عينا سناء بشكل غريب وأتسعت إبتسامتها وقالت:

اللي بعد كدا يا سهير إني قررت أحقق لعمك صبحي أمنية حياته .

بهت وجه سهير وجلست بإضطراب على فراش سالي ونظرت إلى شقيقتها بريبة وقالت:

قصدك إيه يا سناء.

إنفجرت سناء ضاحكة وقالت:

قصدي إني نويت أريح أبوكي فنومته يا سهير وأجوزك ابن عمك صبحي.

وقفت سناء تتباهى بمظهرها الملائكي وهي ترحب بضيوف الحفل تزهو بسعادة لنيلها ما أرادت، إلتفتت سناء ونظرت إلى شقيقتها سهير التي جلست بجوار ابن عمهم حسان فأتسعت إبتسامتها لرؤية حسان يتشبث بساعد سهير فهو ومنذ أبلغته بموافقة سهير على أرتباطها به وهو يحدق بها ببلاهة لا يصدق أنه ستصبح له، زفرت بإرتياح وهي تبعد عيناها عن سهير وتحدق بسهى التي بدت كالنجمة تتلألأ بين ذراعي ريان تتمايل معه على نغمات الموسيقى الحالمة، شارك ريان رقصتهم جاك وإيلي التي تعلقت بعنقه لا تصدق أنه طلبها للرقص برفقته وبالقرب منه جلست سالي بجوار والدتها يرافقهم صبحي، أشاحت سالي بعيناها بعيدا عن جاك الذي تعمد أن يضم إيلي أمامها وشعرت بغصة الدموع تقف بحلقها فوقفت ورمته بنظرات الحزن لتبتعد عنه، لمحت إسلام مغادرة سالي للقاعة فأسرعت خلفها ولحقت بها قبل أن تغلق باب المرحاض خلفها، احست سالي بالأختناق يسيطر عليها فضمتها إسلام إليها لتجهش سالي بالبكاء، أحتوتها إسلام تشاطرها حزنها فسمعتها تهمس وتقول بقلب ممزق:

شوفتي حاضنها أزاي يا إسلام أنا أنا قلبي وجعني أوي أول مرة قلبي يوجعني أنا اللي زمايلي فالكلية بيتمنوا أبصلهم ومكنش بيهمني أي واحد فيهم جه جاك ووجع قلبي.

أبعدتها إسلام عنها ونظرت لها بأسف وقالت:

سالي دموعك غالية عندي وصعب أشوفك منهارة بالشكل دا بس بصراحة إنتي اللي غلطتي يا سالي متزعليش لكلامي بس جاك جالك لحد عندك وأعتذر لك وكان جايب معاه الخاتم علشان يلبسهولك بعد ما كلم ماما وقال لها أنه عاوز يرتبط بيكي بس إنتي اللي رفضتيه فليه بتلوميه على ردة فعله هو كان لازميبعمل كدا علشان يثبت لنفسه أنه متأثرش برفضك أعتذاره وطلبه الجواز منك.

أتسعت عينا سالي بصدمة وهزت رأسها بالرفض وقالت:

أنتي بتقولي إيه جاك طلبني من ماما وأنا اللي رفضت

أومأت إسلام بحزن وقالت:

للاسف يا سالي أنتي اللي رفضتي جاك مش هو و.

أقتحمت إيلي المرحاض فتوقفت إسلام عن أتمام حديثها ونظرت بحرج لأبنة عمها التي بادلت عيناها بين إسلام وسالي وأشاحت بعيناها عن سالي وألتفتت إلى إسلام وقالت:

إسلام لدي مفاجأة لك لن تصدقيها.

توترت ملامح إسلام أمام ملامح إيلي السعيدة ونظرت إلى شقيقتها وهي تشعر بالخوف مما ستضيفه إيلي لتغمض عيناها بأسف حين قفزت إيلي وهي ترفع إصبعها أمام وجهها ليضيء خاتم جاك في إصبعها وتقول:

أنا وجاك سنتزوج فور عودتنا لجورجيا.