CHAPTER 8
WALA PANG isang oras ay dumating nga ang daddy ni Chelsy. Tumayo si Antheia nang bumukas ang pinto ng clinis at niluwa niyon si Frix Torrelba. Naka-business suit ito at ang buhok ay maayos na maayos. Tumikhim ito saka lumingon sa anak na nasa kama. Walang malay si Chelsy.
Bahagya naman siyang umatras upang malapitan nang maayos ni Frix ang anak. Hinawakan nito ang anak sa noo saka sa kamay.
Napalunok siya habang pinagmamasdan ang mag-awa. Ngayon lang niya natitigan ang side profile ng lalaking nasa harapan. Masasabi niya ngayon na dito namana ni Chelsy ang mahahaba at makakapal na pilik-mata. Pati na rin ang hugis ng mukha nito.
Lumingon sa kaniya ni Frix dahilan upang muling kumabog ang puso niya. Umiwas siya ng tingin. Hindi niya matukoy ang dahilan ngunit sa t
