CHAPTER 9
PAGKARATING NINA Hera, Antheia at Nelson sa harapan ng school na pinagtatrabahuan ay namataan kaagad nila si Levy na nakatayo at nakasandal sa gilid ng kotse nito. Ngumiti ito sa kanila ngunit kaagad din napalitan ng pagtataka ang mukha nito nang makita si Nelson. Lumingon pa si Hera kay Nelson na alam niyang nahihiya sa kanila.
Nang makalapit sila kay Levy ay tumuwid ito ng tayo saka tumingin sa kanila ni Antheia. “Ang tagal ninyo. Kanina pa ako rito.” Reklamo nito.
“Oh, bakit? Sino ba nagsabi na maghintay ka rito? Di ba sabi ko namna sa iyo, hindi ito park?” aniya.
“Hindi naman ako pumasok sa loob para doon maghintay, ha?” Inirapan siya nito at lumingon kay Nelson. Bumalik ang tingin nito sa kanila. Tila nagtatanong ang paraan ng tingin nito sa kanilang dalawa
