"Kung inaakala mo na mamahalin kita kaya kita pinakasalan, pwes nagkakamali ka! Pinagbigyan ko lang ang kagustuhan nilang mangyari para mapagbayaran mo ang naging kasalanan mo sa akin!" animo'y isang bombang sumabog sa harapan ko ang bawat katagang binigkas ng asawa kong si Jethro.
Hindi ko talaga inaasahan na mangyayari ito sa mismong
unang gabi ng aming pag- iisang dibdib. Mahirap man paniwalaan pero asawa ko na talaga si Jethro Dela Vega. Sinong mag-aakala na ang amo ko lang noon ay asawa ko na ngayon? Iyon nga lang ay asawa lang sa papel. Hanggang doon lang iyon.
Sa halos sampung taon na nanirahan ako sa puder niya, ni minsan ay hindi ko nakita ang mga mata nito na ngayon ay puno ng galit. Alam ko naman na hindi maganda ang aming naging simula pero kahit papaano ay umaasa pa rin ak
