"Mama! Mama!"
Nagising akong bigla sa matinis na boses ni Bokbok habang nararamdaman ko ang mga brasong yumayakap sa akin.
Pagdilat ng mga mata ko ay siya ang nasilayan ko, na nakatunghay sa akin habang nakayakap sa baywang ko.
"Maga na po. Gugutom na ako."
Napangiti ako habang pinagmamasdan siya. Gutom talaga lagi ang inirereklamo niya sa akin.
"Good morning. Wala ka na bang lagnat? Magaling ka na ba?" Kaagad kong sinalat ang pisngi at leeg niya. Napahinga ako ng maluwag dahil hindi na nga siya mainit.
"Galing na po ako, eh."
Bumangon na rin ako at luminga sa buong paligid. Hindi ko na nadatnan pa si Sir Gabriel dito sa loob.
Bigla kong naalala ang nagdaang gabi. Alam kong natulog kaming dalawa nang magkayakap.
Napakagat-labi ako nang maalala ko kung gaano siya kabango at kun
