Pagpasok kong muli ng silid namin ay naabutan kong nakahiga na si Sir Gabriel sa kama habang yakap niya sa tabi niya si Bokbok na dilat na dilat pa rin ang mga mata at patuloy niya pa ring kinakalikot ang hawak niyang robot.
Samantalang ang katabi niya ay nakapikit na ang mga mata na animo'y natutulog na. Ngunit siguro ay naramdaman niya ang pagpasok ko kung kaya't muli ring dumilat at tumingin sa akin.
Napansin kong medyo malamig na rin ang temperatura ng paligid dito sa loob kaya't kaagad akong napatingin sa mahabang aircon na nasa itaas ng glass window.
Sapat lang naman ang lamig niyon kaya p'wede na siguro kay Bokbok.
"D-Dito ka ba matutulog?" tanong ko kay Sir Gabriel habang iniaabot ko na kay Bokbok ang bote ng gatas niya.
"Bawal ba? It's my house so I can sleep anywhere I want
