"I mean Rose. I'm sorry kung napagkamalan na naman kita."
Muli akong napalingon kay Rod sa sinabi niyang 'yon. Ang kaninang walang emosyon niyang mukha, ngayon ay mayroon na muling munting ngiti habang nakatitig sa akin.
"It's just that you really have the same characteristics tho. Forget it. Pards, I'll just wait for you downstairs," baling niya naman kay Sir Gabriel na nasa likuran ko bago siya tuluyan nang umalis.
Napahinga na lang ako ng malalim bago pumasok na rin sa loob ng silid ng mga bata at hindi na nilingon pa si Sir Gabriel. Wala na rin naman akong narinig na kahit anong salita mula sa kanya.
Hindi ko na malaman ngayon kung totoo pa bang hindi ako nakikilala ni Rod. Sa tingin ko base sa mga ikinikilos niya at mga ipinapakita niya ay malaki na ang hinala niya sa akin. At hin
