ISINARADO ko ang pinto ng office ni Sir Ali pagpasok ko. Nanatili siyang nakatayo sa may gilid ng desk niya at tila naghihintay na lumapit ako. Itinaas niya ang hawak na baso sa kaniyang bibig at sumimsim ng alak.
“Sir Ali…” simula ko at pilit na tumingin sa kaniya ng direcho. “Pasensya na kayo, hindi ko narinig ang tawag n’yo kanina sa akin. May… problema po pa? May ipag-uutos po ba kayo?”
Hindi siya sumagot. Binuksan niya ang drawer sa likod ng office table at may kinuha siyang envelop. Ipinatong niya iyon sa ibabaw ng mesa. Napatingin ako sa kaniya.
“Ano pong laman n’yan, Sir?”
Imbes na sagutin ako ay nagtanong si Sir Ali. “Bakit kailangan mong lumabas para mag-rent sa internet shop, Solde? Hindi pa ba nakakonekta ang cellphone mo sa wifi dito?”
“Naka-connect na po, Sir.”
“Gano’n
