NANG PUMASOK kinabukasan si Bea ay ramdam na niya ang pagkailang dahil kahit hindi niya tingnan ang mga kasama sa ospital ay alam niyang nakatingin ang mga ito sa kaniya. Kumunot ang noo niya nang maabutan ang isang nurse na nakatingin sa kaniya at ngumiti kaagad nang magtama ang mga paningin nilang dalawa.
"Hello, Nurse Bea," bati nito sa kaniya.
Si Almira ito. Dati niya itong kasamahan sa pedia ward at masasabi niyang hindi sila nito close. Mataray kasi ito at masungit talaga. Kung siya ang pinakapaborito ng mga bata sa ward, ito naman ang pinakaayaw ng mga bata.
"Hi," aniya naman dito. Nagpatuloy siya sa paglalakad hanggang sa maging magkasabay sila. Tila sinasadya nito iyong mangyari. TIningnan niya ito dahilan upang mapatigil ito sa paglalakad. Siya rin ay napahinto. "Bakit? May k
