KUMATOK MUNA si Bea sa pinto nang tatlong beses bago pinihit ang seradura. Pumasok siya sa loob at naabutan niyang nanonood ng TV si Ma'am Vicky habang ang anak naman nito ay nakatingin na naman sa labas ng bintana.
"Good morning po," bati niya sa mga ito ngunit tanging si Ma'am Vicky lang ang lumingon sa kaniya.
"Good morning, hija." Maganda ang ngiti nito sa mga labi.
Lumapit si Bea kay Basty upang tingnan ang vital signs nito. Normal naman. Wala na ang swero nito at tanging tape at bulak na lang ang natira sa kamay.
Ngumiti siya. "Kumusta ang pakiramdam mo, Basty? May masakit ba sa iyo?" tanong niya rito.
Lumingon ito sa kaniya. "Wala.*
"Okay. Sige," aniya saka lumingon sa ina nito. "Ma'am, kumain na po ba itong Basty?"
Tumayo ang ginang saka lumapit sa kaniya at tiningnan ang
