NAKAALIS NA si Nurse Jo nang bumalik si Ma'am Vicky pero ngayon, ito na lang mag-isa. Hindi na nito kasama ang pamangkin na doktor. Sinilip na niya kanina si Basty at naabutan niya itong nag-dadrawing. Nagulat pa siya dahil may sarili itong bag kung saan may mga laman na gamit sa pagguhit. Mukhang dinala iyon ng mama nito noong wala siya dahil noon lang niya iyon nakita.
"Nurse Bea, gising ba ang anak ko?" tanong ng ginang sa kaniya.
"Opo. Nag-dadrawing po siya sa loob."
Tumango ito. "Sige, salamat. Siya nga pala, sabay ka na sa amin mag-lunch mamaya, ha?"
"Pero, M-ma'am, may baon po kasi ako," nahihiyang sagot niya rito.
"Don't worry, pwede ka naman kumain ng baon mo kasabay namin. Nagluto kasi ako. Gusto kong matikman mo iyon. Mamaya ha?" ang ngiti nito sa mga labi ay kay hirap tang
