MASAYA NA sana ang buong araw ni Bea dahil sa nangyari kanina sa silid ni Basty ngunit sinira lamang ni Almira. Wala yata itong balak na tantanan siya. Break time niya at nandito ngayon sa cafeteria at umiinom ng kape ngunit ang payapang pagmemeryenda niya ay naabala nang lapitan siya nito. Naupo ito sa silyang bakante sa tapat niya saka seryoso tiningnan siya.
Huminga muna siya nang malalim bago nagsalita, "Anong kailangan mo sa akin, Nurse ALmira?" seryoso niya rin itong tiningnan sa mga mata. "May sasabihin ka ba?"
Naningkit ang mga mata nito ngayon. "Sigurado ka bang hindi ka nililigawan ni Doc. Santos?" maintrigang tanong nito.
Gusto na niya itong sagutin nang pabalang pero alam naman din niyang hindi iyon magandang gawin. Bukod sa nasa pampublikong lugar sila ngayon ay ayaw niyang
