“Prinsipe Janus!”
Napatigil s’ya sa paglalakad nang marinig ang boses na iyon. Ang may-ari ng boses na iyon ang kahuli-hulihang Engkantong gusto n’yang makita sa buong buhay n’ya.
Si prinsesa Lysithea.
Simula nang una itong tumapak sa kanilang kaharian kasama ang mga kauri nito ay naglalagi na rin ang ibang itim na Engkanto sa kanilang kaharian. May naririnig s’yang bulung-bulungan na baka ay balak sakupin ng mga ito ang kanilang lahi kaya nakipagsundo ng kasal at hinding-hindi n’ya hahayaan iyon dahil hinding-hindi n’ya ito pakakasalan.
Naiirita s’ya sa presensya ni prinsesa Lysithea at ng mga kauri nito sa kanilang kaharian. Pawang mga bingi at pipi ang kanyang inang reyna at amang hari sa kanyang mga hinaing. Isiniwalat din n’ya sa mga ito ang pang-aaping nangyayari sa pagitan ng ka
