Naglalakad pauwi mag-isa si Indira galing sa pag-jo-jogging. Maaga pa naman ngunit medyo mainit na ang sikat ng araw. Pawis na pawis na s'ya kaya naman napagpasyahan n'yang maglakad na lang pauwi habang pinupunasan ang pawis na tumutulo mula sa kanyang leeg at mukha. Ngunit bigla na lamang s'yang napatigil sa paglalakad. Umahon ang hindi pangkaraniwang kaba sa kanyang dibdib ng makita kung sino ang nakatayo sa kanyang harapan. Hingal na hingal ito na tila ba may humahabol dito.
“J-Janus?”
Dahan-dahan itong lumapit sa kanya. Bahagya s’yang napaatras sa gulat. Nang tumigil ito ay napalunok s’ya dahil sa lapit nito mula sa kanyang kinatatayuan. Nakatitig lang ito sa kanyang mukha, tila kinakabisa iyon. Hindi n’ya mapigilang pamulahan sa ginawa nito.
“Anong ginagawa mo dito? Dinadalaw mo b
