XXII.
HINDI NAPIGILAN NI Troy ang sarili kaya napaamin siya nang wala sa oras. Senior high pa lang ay gusto na niya si Lady. Natutuwa lang siya sa ugali nito na napakasaya kasama. Hindi nawawalan ng kalokohan at palaging may dalang bala. Para sa kaniya, magaan itong kasama. Kahit hindi sila malapit sa isa’t isa, kilalang-kilala na niya ito sa mga kuwento ni Lord sa kaniya. Sa mga inpormasyon na nalaman, nabihag siya. Hindi nga lang niya maamin. Natatakot lang siya na hindi tanggapin nito. Ilang beses na niyang naririnig dito na ang tinitingan nito sa lalaki ay ang katulad ng kaibigan niyang si Lord. Minsan, hindi niya naiwasan na makipagkompitensiya sa kaibigan pero hindi nagtagal ay kusa na lang din siyang sumuko. Aminado siyang wala talaga siyang laban dito. Natatawa na lang din siya mi
