XXI.
PAPAUWI NA SILANG lahat at ang ingay nila sa loob ng Van. Ipinagdiwang lang nila ang pagkapanalo ni Lady sa pageant. Sobrang ginalingan lang nito lalo na noong question and answer. Nilamon nito ang mikripono sa sagot nito tungkol sa fake news. Marami rin itong award na nakuha katulad ng best in swimsuit, best in evening gown, at miss photogenic. Hindi mapigilang mamangha ni Troy sa taglay na galing nito. Natutuwa lang siya sa determinasyon nitong manalo. Napatitig naman siya rito na nasa harapan niya. Sa isipan niya, pinupuri niya ito. Nang nilingon siya nito ay agad siyang umiwas at itinaas ang kaliwang kilay para kunwaring nagsusungit siya.
“Hoy! Ba’t ka titig na tititg sa ’kin kanina?” tanong ni Lady.
“Pinanood lang kita. Alangan naman kung pipikit ako? Kakaiba na iyon,” inis na
