XVI.
HAPON NA AT nasa grocery store si Soshmitta. Inutusan lang siya ng Tita Krista niya na punuin ang pantry nila sa bahay. Hindi lang ito pwede sapagkat madaling araw na itong dumating galing sa taping. Malaki ang tiwala sa kaniya ng Tita Krista niya kaya malaya siyang pinapahawak nito ng malaking pera. Kasama niya ang driver nila na naghihintay lang sa parking area. Sa tingin niya, natutulog ito at naiintindihan niya iyon. Katulad ng Tita niya, madaling araw din itong nakauwi sa bahay nila.
Nasa chocolate area na siya at hinahanap ang mga paboritong tsokolate ng Tita niya. Habang tinitigan ang mga produkto, hindi niya mapigilang mapangiti. Naalala lang niya ang kasintahan dito. Lalo pa kaninang umaga na ang sarap ng gising niya. Madaling araw pa lang ay pinadalhan na siya nito ng mens
