XVII.
NASA CLUB SINA Earl at Troy at nagpapakalunod sa alak. Sobrang lasing na ni Troy kaya labis ang pag-aalala ni Earl. Hindi naman ganoon ang binata noon kaya nagbigay iyon ng katanungan sa isipan niya. Para sa kaniya, isa o dalawang beses lang na basa ay sapat na kay Troy. Pero iba na ang nasaksihan niya. Naparami na ito ng inom. Sa tingin niya, may problema ito kaya hinayaan na lang niya at siya na lang iyong tumigil na sa pag-inom para mabantayan niya ito. Bilang kaibigan, responsibilidad niya iyon. Natatakot din na siya na baka makahanap ito ng away lalo pa’t ang ingay na nito. Nawala bigla iyong Troy na tahimik na nakasanayan nila. Nang humingi muli si Troy ng isang baso ay pumalag na si Earl. Sa tingin niya, hindi na ito mabuti. Kaya habang maaga pa, pigilan na.
“Tama na, Troy.
