SINUNDAN ni Liza si Mike kasama si Miggy. Wala siyang tiwala sa lalaki at baka kung ano pa ang gawin nito sa pamangkin niya. Mahirap na.
Nadatnan niya ang lalaki sa garden. Buhat buhat pa rin nito ang tuwang-tuwa si Miggy habang nilalaro.
Sala sa init, sala sa lamig talaga si Mike. Hindi niya maintindihan ang takbo ng isip nito.
Nilapitan niya ang mga ito at nilagyan ng sombrero si Miggy.
“Mahamog na,” wika niya nang tingnan siya ni Mike. Nakakunot na naman ang noo nito. “Kinausap ako ng Mama mo kanina,” wika n’ya sa lalaki.
Sinulyapan siya ni Mike.
“And?”
“Gusto niyang magkabalikan tayong dalawa,” wika niyanf napapangiwi.
Nagulat pa siya nang tumawa ang lalaki. Napaangat ang kanyang kilay.
“Paano mangyayari ‘yon kung hindi naman naging tayo?” nakaarko ang kilay na tanong sa kan
