KUNG HINDI lang talaga iniisip ni Liza si Miggy ay baka nag-alsa balutan na siya total ay ilang pirasong damit lang naman ang gamit n’ya sa bahay ng Mike na ‘yon!
Nanginginig talaga siya sa galit kapag nakikita n’ya ang lalaki. Akala mo kasi kung sinong don o hari kung umasta at akala mo pag-aari ang buong mundo. Wala siyang mukhang maiharap kay John nang bigla na lang tumalikod si Mike at iniwan sila. Ang nakakainis pa hindi man lang tinanggap ang pakikipagkamay ni John.
Dalawang taon na silang magnobyo ni John at naiintindihan nito ang sitwasyon n’ya na kailangan niyang alagaan si Miggy. Nang una ay ayaw nitong pumayag na magpanggap siyang ina ni Miggy pero sa huli ay naintindihan din s’ya ng nobyo. Magkapit-bahay lang sila ni John sa dating bahay niya sa Pasig, kapwa sila mahilig sa
