HINDI MAPIGILANG hindi mainis ni Mike. Hindi n’ya maintindihan kung bakit ganun na lamang ang pagkagiliw ng kanyang ina kay Liza. Ang babaeng ‘yon naman ay ang lakas ng loob dahil nasa likod nito ang kanyang ina. Biglang nakahanap ng kakampi.
“Problem?” tanong sa kanya ng amang si Lucas.
“Where is Miggy?”
“Kinuha ni Liza,” sagot nito sa kanya.
“Kumusta ang lakad mo kanina sa mga prospect investor na gustong mag-franchise?”
“Lahat sila ay hindi itutuloy ang pagpa-franchise. Nakaapekto ang mga balitang lumalabas sa TV tungkol sa akin. I don’t care Pa. Kahit wala sila we can survive. I can manage,” wika niya pa sa ama.
“Lilipas din ang balitang ‘yan. Ang importante ngayon ay hindi natuloy ang kasal mo sa Dyna na ‘yon. You have Miggy after all,” wika pa ng kanyang ama. “Hindi ko talaga
