HINDI MAINTINDIHAN ni Liza ang gustong mangyari ni Mike. Naguguluhan s’ya sa takbo ng isip nito. Pabago-bago ang gusto nitong mangyari. Mukhang gusto siyang parusahan ng lalaki dahil hindi natuloy ang kasal nito.
“Come in,” tawag sa kanya ni Mike dahil nakita s’ya nitong sumisilip-silip sa silid nito at alumpihit sa pagpasok.
“Nasaan na ang mga gamit mo?” tanong nito sa kanya na magkasalubong ang mga kilay dahil hindi niya dala ang kanyang mga gamit.
Huminga siya ng malalim.
“FYI Mr. Salazar, hindi tayo mag-asawa para magsama sa iisang silid. Ano na lang ang sasabihin ng boyfriend ko kapag nalaman niyang magkatabi tayo sa kama?” nanlalaki ang matang tanong n’ya sa lalaki.
“I assure you na walang mangyayari sa ating dalawa. Walang dapat na ikabahala ang boyfriend mo. Ikaw ang kilalang
