Roxanne
"Nanay... Moning, daddy. Gising na po ako."
"Ssh. Good morning, baby. Natutulog pa si nanay."
Nagising ako sa pabulong na pag-uusap na 'yon ng mag-ama sa tabi ko at mga paggalaw nila na nararamdaman ko.
"Maga na, daddy. Gugutom na po 'ko, eh."
"Magluluto si daddy ng breakfast. Pero hug muna natin si nanay."
"Opo! Hug nanay."
"Dahan-dahan lang, baby. Baka tamaan ang likod ni nanay."
Naramdaman ko ang pagyakap ni Crystal sa likuran ko. Parang nararamdaman ko rin ang braso ni Claude sa akin.
"Sakit pa likod, nanay? Tigas! Tigas, daddy, likod ni nanay!"
"Brace ni nanay 'yan."
Idinilat ko na ang aking mga mata. Napahinto ako nang katawan ni Claude ang nabungaran ko habang nakayakap ang braso ko sa kanya.
What the--
Napansin ko rin na hindi na unan ang hinihigaan ko ngayon
