Roxanne
Wine?
Hindi yata wine ang kailangan ko kundi gin. Gin bilog! Hindi ako tatamaan sa basta wine lang!
"M-May hard drinks ba kayo dito?" tanong ko kay ate Lhevy. Kasalukuyan kami ngayong naglalakad patungo sa home bar daw nila dito sa ibaba ng bahay.
"H-Hard? Hard talaga ang gusto mo?" Nagulat naman siya at napalingon sa akin.
"O-Oo. Feeling ko kasi hindi tatalab sa akin ang wine, eh."
"Mataas na siguro ang tolerance mo sa alcohol, no? Palagi kang umiinom?"
"G-Gano'n na nga siguro. Gin kasi ang iniinom ko, eh."
"Gin?!" Muli siyang napalingon sa akin habang may nanlalaking mga mata. "Ang tibay mo naman. Samantalang ako red wine lang ang natitikman. Hindi na rin kasi ako nagkaroon pa ng pagkakataong makainom kahit beer lang dahil palagi na lang akong buntis! Kasalanan kasi ito
