-=Rebecca's Point of View=-
Halos hilahin ko na ang mga oras para lang dumating ang araw ng Lunes, excited na kasi akong magkaroon ng bagong trabaho, at iyon ay dahil na din sa tulong ni Rhodora.
Magmula nang makarating kaming mag-ina sa Maynila ay pawang magaganda na ang nangyayari sa amin ni Giselle, kaya nga pakiramdam ko ay nasa Maynila talaga ang suwerte naming mag-ina, pero alam ko din naman na hindi sapat ang suwerte para magtagumpany sa buhay, kailangan ding may kaakibat na kasipagan, at kabutihan sa mga bagay na gagawin mo.
Isang malapad na ngiti ang agad na gumuhit sa mga labi ko nang magising ako ng umagang iyon, ito na kasi ang pinakahihintay na araw ko, ang araw na maari akong magkaroon ng trabaho.
Wala pa naman kasiguraduhan na matatanggap talaga ako, pero ang mahalaga n
