-=Rebecca's Point of View=-
Nagpatuloy ang paninirahan namin ni Giselle sa Maynila, at habang tumatagal ay mas napapalit na kaming mag-ina sa pamilya ni Manang Thelma, at nararamdaman kong ganoon din sila sa aming mag-ina.
Hindi na iba ang turing nila sa akin, at nararamdaman kong totoo ang pinapakita nilang kabutihan sa amin, pero parang hindi ko naman makakayang samantalahin ang kabutihan nila sa aming mag-ina.
Nangyari ito nang isang buwan na pala kaming naninirahan ni Giselle sa kuwartong pinapaupahan ni Manang Thelma, at labis ang pagtataka ko, dahil hindi pa din ako sinisingil nito para sa upa sa buwan na ito.
"Manag Thelma, maari ko po ba kayong kausapin?" Tanong ko dito nang maabutan ko ito sa kusina.
Sobrang sipag kasi nito na pag-uwi nito galing kainan ay naglilinis pa ito n
