-=Harries's Point of View=-
"Sigurado ka na ba na dadalo ka sa event mamaya?" Narinig kong tanong ni Anthony habang patuloy ito sa pagmamaneho pabalik sa bahay ko sa Makati.
Isang malalim na paghinga ang pinakawalan ko nang marinig ko iyon, magmula kasi nang sinabi ko sa kanila ni Annie ang binabalak ko ay patuloy pa din sila sa pagtatanong na para bang hindi sila makapaniwala sa gagawin kong iyon.
Hindi ko din naman sila masisisi, dahil ito ang unang beses na magpapakita ako in public, dahil mas gusto ko kasi ang mag-isa.
"Parehong-pareho talaga kayo ni Annie," naiiling kong sinabi dito, habang nanatili ang mga mata ko sa labas ng bintana ng sasakyan.
"Hindi lang kasi kami makapaniwala na matapos ang mahigit dalawang taon mong pananatili sa Pilipinas ay magpapakita ka na," muli niton
