-=Harries's Point of View=-
"Ok ka lang ba?" Nag-aalalang tanong ni Anthony sa akin nang bitawan nito ang naturang babae, ngunit kahit kinakausap ako nito ay nanatiling nakatutok ang mga mata ko sa walang malay na babae.
Hindi ko alam kung bakit ganoon na lang ang galit nito sa akin na para bang sobrang laki ang kasalanan ko sa kanya samantalang hindi ko naman siya kilala.
Naisip ko nga na gumagawa lang ng gulo ang naturang babae, ngunit may binanggit siya na nagpakabog sa dibdib ko, at iyon ay nang tawagin niya ako sa pangalang Oliver.
Iyon ang pangalan na tangi kong natatandaan magmula nang bumalik ang alaala ko, at malimutan ko naman ang mga nangyari sa isang taon ng buhay ko mula sa mga kamay ng mga kidnappers.
Hindi ako makapaniwala na sa lugar pang ito muli kong maririnig ang pa
