Patungo Chestine sa kusina ng restaurant para mag-check and observe ng galawan ng kanyang mga staff sa loob nito. At naabutan niyang abala sila sa kani-kanilang ginagawa.
Hindi agad napansin ng mga ito ang presensya niya kaya dire-diretso lang siya habang pinagmamasdan kung paano sila kumilos at magtrabaho. Karamihan sa mga empleyado niya ay filipino mayroon din mga ibang lahi na marunong umintindi ng tagalog.
Minsan lang siya bumaba rito kaya ganu'n na lang ang gulat nila nang mapansin na siya ng mga ito at sabay-sabay bumati. Nginitian niya lamang ang mga ito bilang pagtugon.
"Isipin niyo wala ako rito, para hindi kayo mailang, it's just an inspection day," sabi ni Chestine ngunit mas lalo lang atang nailang ang mga ito.
"Biglaan naman po ata ang inspection day niyo Ma'am," biro ng
