Akmang papasok na sana si Chestine sa loob ngunit maagap siyang pinigilan ni Troy nang hawakan nito ang braso niya kaya napatigil siya.
"Bakit? Saan ka pupunta?" tanong ni Troy.
Tila bigla siyang nalungkot dahil kung kailan naman nagkita na silang muli saka ito naman ang aalis. Ang akala niya ay may pagkakataon na siyang muling mapalapit dito.
"Sa US na kami maninirahan ng anak ko," sagot ni Cally na ikinatigil naman ni Troy.
Sandaling nabalot ng katahimikan ang paligid nang hindi ito agad nakapagsalita.
"Ngayon na lang tayo ulit nagkita ikaw naman ang lalayo," sabi ni Troy na may himig ng lungkot sa boses.
"This is not about you, this is about my peace of mind. Gusto kong magpakalayo-layo dahil hangga't malapit kami kay Johan siguradong hindi niya 'ko tatantanan," seryosong sabi ni
