Alam ni Chestine na malaki ang gusto sa kanya ng kaibigan niyang si Troy simula pa noon ngunit hanggang kaibigan lang talaga ang turing niya rito, wala nang mas hihigit pa doon.
"Tsss. H'wag mo na ngang ungkatin ang nakalipas na basta ako masayang-masaya akong makita ka ulit matapos nang sampung taon," sabi ni Chestine na may kagalakan sa boses.
"Masaya... sus! Tinaray-tarayan mo nga 'ko kanina," sabi ni Troy na may himig pa rin ng pagtatampo.
"Isip bata ka pa rin talaga ano? Sabi nang hindi nga kita nakilala." Naiiling na sabi ni Chestine.
"Maiba nga tayo, kamusta naman kayo ng asawa mo? May anak na ba kayo?" pag-iiba ni Troy.
"Yes, may anak na kami. Nasa loob nga siya ngayon natutulog katabi ni Mama," sagot ni Chestine.
Sinadya niyang hindi sagutin ang tanong nito tungkol sa kanila
